Giza Eskubide eta Bake Hezkuntzaren Elkarteen Foroa
Zer da Foroa?
Giza Eskubide eta Bake Hezkuntzaren Elkarteen Foroa 2007ko martxoan sortu zen, eta Euskal Autonomia Erkidegoan arlo horietan lanean ari diren hainbat erakunde biltzen ditu. Herritarrengandik hurbil egon eta aniztasuna aintzat hartu nahi du bere lanean, beti ere bakearen kultura sendotzeko eta giza eskubideak sustatzeko asmoz.
Zer egiten dugu?
* Foroa osatzen duten erakundeen arteko harremanak eta trukeak bultzatu, haien baliabide eta ekimenak sendotzeko eta sustatzeko sinergiak sortzearren.
* Giza eskubideen nahiz bakearen alorreko hezkuntzan ekimenak bultzatzen dituzten erakundeei aholkua eta orientabidea eman, eta haien jarduerari buruzko kritika eraikitzailea egin. Halaber, aktiboki lagundu nahi dugu ekimen horiek guztiak sortu eta garatzen, haien jarraipena egiten, eta alor horretan dauden premia eta lehentasunak antzematen.
* Dibulgazio-lana egin, giza eskubideak ezagutarazteko eta alor horretako hezkuntza hedatzeko, gure gizartean elkarbizitza hobetuko duen oinarrizko aktiboa dela jakinaraziz.
Gure balioak
Foroaren eguneroko jardunaren oinarrian dauden balioak ondoko hauek dira:
Giza duintasuna
- Giza eskubideak sustatu eta defendatzen ditugu.
- Giza eskubideak urratzea gaitzesten dugu.
- Gure elkartasuna aktiboki adierazten diegu giza eskubideen urratzeak jasaten dituzten pertsonei.
Bakearen kultura
- Hezkuntza eta indarkeria-eza sustatzen ditugu, aldaketa pertsonal eta sozialaren eragile gisa.
- Aniztasunean, errespetuan eta elkarrizketan oinarritutako elkarbizitza sustatzen dugu, bai pertsonen artean, bai ingurunearekiko harremanetan.
Lankidetza
- Ezaupideak, esperientziak eta baliabideak partekatzen ditugu.
- Elkarrekin eraikitzen dugu modu sortzailean, aldaketa eragitearren.
- Elkarren osagarri gara, eta lankidetza aktiboan dihardugu Foroaren helburuak lortzeko.
© 2010. Giza Eskubide eta Bake Hezkuntzaren Elkarteen Foroa